Kelan nga ba tayong huling nag-usap?
Kung di ako nagkakamali, pitong taon na ang lumipas
Sa pitong taong yon, may kanya-kanyang karelasyon
Sinong mag-aakala na tayo’y magkakapareho ng sitwasyon?
Sa di inaasahang pagkakataon, tayo’y muling nagkausap
Nagcomment sa fb story mo na mistulang blankong pangungusap
Nagkumustahan, nagkakwentuhan at nagpaalam
Ngunit biglang tuloy-tuloy na at umabot ng buwan
Biruin mong parehas tayong iniwan
Ng mga taong akala nati’y pang walang hanggan
Walang ibang paksa kung hindi ay makalimutan
Mga ala-alang wumasak sa mga pusong nasaktan
Marahil ay kung may isang bagay na dapat ipagpasalamat
Ito ay yung panahong ika’y nariyan at ako’y hinikayat
Ika’y nakinig sa aking mga hinaing at alinlangan
Pano nga ba malagpasan? Ako ay iyong ginabayan.
Sa paglipas ng panahon, ikaw pa rin ay nariyan
Handang sumagot sa bawat katanungan
Pansin ko din na ang loob ko’y gumagaan
Kapag kausap ka at alam kong ako’y rereplyan
Ang dami-dami nating pinag-uusapan
Mga bagay na masasabi kong may kahalagahan
Kung minsan nama’y puro kalokohan
Sobrang saya ko, ngiti ang kinalabasan
Dumaan ang mga buwan na consistent kang kausap
Pag wala ka tuloy, lagi ka nang hinahanap
Di inaasahang nahuhulog na ang damdamin sayo
Bat biglaang tuliro at tila ayaw ko nang kumibo
Alam ko sa sarili kong hindi pako handa
Malamang ay ikaw din, yun din ang kataga
Mga pusong baka sadyang nangungulila lamang
Sa bawat isa’y natagpuan, pag-ibig ba o wala lang?
Gusto kong lumaya sa gulo ng nararamdaman
Ang tanging hiling sa Diyos ay ‘wag na tayong masaktan
Kung iibig mang muli, sakin man o hindi
Nararamdaman kong ito’y, nais nalang ikubli
Sa relasyong mistulang parang isang bangungot
Kung meron mang natutunan , ito’y wag magpakain sa puot
At kung ang nararamdamang ito’y sakit lamang ang dulot
Mas mabuti na lamang na damdamin ay wag ipaabot
Ititiwala na lang sa Diyos ang sunud na love story
Kung tayo’y para sa isat isa, tiyak na hindi makukubli
Pagmamahal na kay tagal nang itinago sa sarili
Siguradong maipaparating sayo sa paraang di mawari
Hiling at dasal ko lang satin ay maging masaya
Kahit ang ibig sabihin neto ay tumigil na
Siguradong may nakatadhana ang Diyos para sating dalawa
Ako man ay para sayo o sadyang hindi talaga.
