Sabi nila, magtapat na raw ako ng pag-ibig
Ibuka ang aking bibig
Sambitin mga salitang nakakakilig
Mahal kita, ika’y aking iniibig.
Sabi nila, gawin ko na raw ang unang hakbang
Ihakbang ang aking mga paa patungo sa’yo
Nang walang takot at kaba, puno ng pag-asa
Huwag nang pigilan pa aking nadarama.
Ngunit sabi ko naman, ako’y maghihintay
Upang magtapat na mahal kitang tunay
Ipapanalangin sa Panginoon
Kung kailan ang tamang panahon
Ako’y magpapakatatag sa panalangin
Hindi madadaliin dahil ayaw kitang biguin
Ako’y maghihintay sa araw na ika’y maging akin
Ako’y maghihintay…
Dahil para sa’kin mas mahalaga ang sabi ng Panginoon
Alam kong inihahanda ka ng Panginoon para sa’kin
Ako nama’y para sayo
Ako’y maghihintay…
