di bale na~
pwede bang magsimula sa umpisa
kung saan puro saya at walang pangamba
pwede bang matapos na ang dulo
nang mapawi mga alaalang may sakit nang kahalo.
pwede bang tumigil muna ang oras
tumigil sa araw na lahat ay patas
pwede bang marinig ang iyong isipan
nang matigil aking mga palaisipan.
ano pa nga bang saysay ng mga katanungan,
lahat naman ay walang kasiguraduhan.
ano nga bang saysay ng mga kasagutan,
kung lahat ay wala ng kahulugan.
di bale na.
mahal, di bale na.
