Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Hindi ko mapagtuunan ng pansin ang ngayon
Dahil para akong iniipit ng bukas at ng kahapon
Mga tanong at panghihinayang
Sa isip pa rin ay nangingibabaw
Mga takot at agam-agam
Halos walang patid ang alingawngaw
Paano nga ba mapapatahimik
Mga haka-hakang sa sarili ay bulong
Sa kapayapaan ako’y sabik
Mayroon bang makakatulong?
Hindi ko na masabi kung hanggang kailan
O hanggang saan kaya pang magtiis
Ang nais ko lang naman ay maranasan
Muling ngumiti ng wala nang pait at puro ang tamis
