Kailan dapat pigilan ang puso na magmahal?
Kailan dapat itigil ang nakasanayan?
Magiging sapat ba ang pagmamahal para hindi mo siya iwan?
Kailan ba dapat tapusin ang lahat?
Kailan mo masasabi na tapos na ang lahat?
Kapag ba wala ng dahilan ang pagsikat at paglubog ng araw?
Kailan ka magmamahal ng tunay?
Kailan ka mamahalin ng walang kapalit?
Yung walang halong sumbat ng kahapon?
Kailan muling hahayaan ang pusong magmahal?
Kailan hahayaang tumibok ang pusong sugatan?
Kailan susubukang magmahal uli?
Sa lahat ng kailan at paano na tanong ko,
Isa lang ang tanging hiling ko-
Na sa paghilom ng pusong sugatan at mga matang luhaan
Hawak kamay nating susubukang magmahal uli.
Pikit mata nating haharapin ang bukas.
Dahil alam ko sa bandang huli,
Ikaw at ikaw parin…
