My ex classmate
Kung babalikan natin lahat ng nangyari sa nakaraan
di mo maiisip na totoo ang nangyayari sa kasalukuyan
Di ko lubos maisip kung paano nangyari
wala pang isang taon pero ang bilis ng mga pangyayari
Lumagapak sa unang hakbang
linggo lamang ang pumagitan
pero malaki ang natutunan
Hanggang sa buwan ang lumipas
bumalik sa dating dinaanan
alam ko na mayroong bubog,
pero lakas loob parin akong humakbang
Wala din sa wisyo kung ano ba ang naging dahilan
kung bakit ang tapang ko’y muling sinubukan
Ngayon,
Inaaral muli ang sarili at ikaw
sabi ko pa nuon malabong mangyari
di ako mailalathala sa libro mo
na ako’y iyong pwedeng matipuhan
malayo sa isip ko ang bagay na posible palang mangyari
pero isa lang ang napatunayan ko
pareho na tayong dumaan sa madilim na nakaraan
sumusubok ulit sa panibagong pahina ng ating kasalukuyan
di ko masasabing magkaparehas tayo
wala akong pwedeng isigurado pagdating sa tulad mo
pero OO ,tunay ngang masaya naman ako
Salamat kasi kahit alam kong
itinuring akong gago sa nakaraan ko
Wala kang ibang nasabing masama
sa pagiging tao ko sayo ngayon.
