Marami akong nais sabihin
Ngunit mga salita’y kay hirap bigkasin
Dumaan ang mga araw na di kita nakikita
Pero gusto kong malaman mong
Lagi pa rin kitang hinahanap
Sa pag gising ko sana di na kita maalala
Ang mga panahong pinagsamahan
Tila naluma na at kumupas
Kasabay ng bawat alaala mong
Nais ko nang kalimutan.
Kung tuluyan ka nang lilisan,
Dalhin mo na sana lahat
Pati pagibig ko at pagsinta
Nang sa ganun
Ako ay maging malaya.
Marami akong nais sabihin
Mga bagay na hindi ko kayang aminin
Walang katumbas na salita,
Kung gaano kita kamahal.
Nais kong malaman mo
Hindi man tayo umabot hanggang sa dulo
Hindi man ako ang itinadhana para sayo
Ipinapanalangin ko pa rin ang kaligayahan mo.
Nais kong sabihin,
Hanggang ngayon mahal kita
Mahal kita magpakailanman
Pero sa tingin ko hindi na ako sasapat
Alam kong may mas higit na nararapat
Kung kaya para sa iyo,
Kailangan na kitang palayain.
