Disclaimer: The views and opinions expressed in this article are those of the authors and do not necessarily reflect the official position of Boiling Waters PH.

Dear RBB,

 Alam ko  na may mga bagay na di na kayang maibalik tulad noon, mga bagay na pilit nating binubuo kahit wala na, Nakita ko na wala na yung dating sigla ng mga mata mo pag ako ang kasama, nakita ko din na pinipilit mo na lang patagalin ang relasyon natin kahit alam mo na dumating na tayo sa hangganan. Siguro hinihintay mo lang akong sumuko na at sa akin manggaling ang mga salita na yan. Narealize ko na sa edad nating ito di na para magpaikot ikot tayo, ayoko na din sayangin ang mga luha ko at oras ko sa isang taong di naman ako ang nais nyang makasama habang buhay. Pasensya na di ako naghahanap ng pampalipas oras o panandaliang relasyon. Nakita ko kung paano ka nahihirapan na sa atin at naramdaman ko din kung paano ka sobrang hirap na sabihin na mahal mo pa ko. Nakita ko na noong nalaman mo ang mga kapintasan ko at sinabayan ng sunod sunod nating di pagkakaunawaan ay naglaho na yung ngiti sa mga labi mo at sumuko ka na sa atin lalong lalo na sa akin.

Sa totoo lang, kung sa ganung mga bagay ay mabilis kang nagiba ay Marahil nga itong desisyon na sumuko din ako ay nararapat ko ng gawin. Pasensya na, Ayoko ng sayangin ang mga oras ko sa isang tao na di sigurado sa akin. Pasensya ka na pero di ko na hahayaan na paglaruan at tapak tapakan ng kahit sino ang pagkatao ko sapagkat nanggaling na ako sa mga ganun kaya ayoko ng maulit ulit ngayon.

While you are busy reading this article, try mo rin makinig sa episode namin:


Nakita ko na magkaiba tayo ng purpose sa relasyon, siguro sapat na sayo na may kasama  lang ngayon at panandalian lang, ngunit ako ay naghahanap na ng panghabang buhay na ihaharap ako sa Diyos at kayang manatili kahit at sa kabila ng kapintasan at pagkakaiba ng isa’t isa at siguro yan ang di ko na nakikita sayo at sa atin. Siguro nga dahil madami ka pang oras ay okay lang na sayangin ito ng sayangin. Ngunit ang oras ko ay mahalaga sakin, Mentras sinasaktan ko ang sarili ko kakapilit na isalba ang relasyon natin, ang oras ko ay paunti ng paunti at lalo ko lang isasabutahe ang pagkatao ko para lang manatili ka sa buhay ko na hindi naman na tama at di na makakabuti sa atin at lalong lalo na sa akin. Nakita ko din na hindi mo kayang akapin ang buong ako. Pinakita mo sa akin na ang nakaraan kong pinipilit kong pinagsisihan ay di ko na pwedeng itama at di na ko pwedeng maging masaya at makahanap ng tunay na pagibig na willing akong tanggapin at mahalin kahit gaano man ako kahirap, kaimperpekto at komplikadong mahalin. Siguro di ko naman maitatanggi na mahal kita pero sa nakita ko at nararamdaman ko ay di na tama na manatili sa ganitong relasyon. Sabi mo nga ang toxic, konting bagay nagtatalo kahit napakaliit na bagay lamang. Nakakalungkot na marinig mismo sa bibig mo na ganun ganun ka lang pala mapagod,

Naalala ko noong nanliligaw ka pa gusto ko na makasama ka sa future ko, Nakakatawang balikan at paulit ulit na marinig at nakakalungkot dahil umasa ako at naniwala sa dating tao na minahal ko noon, yung akala ko ay liwanag sa madilim kong mundo at nagbibigay ng kasiyahan sa akin. Narealize ko na nawala na yung tao na akala ko ay magiging katuwang ko anuman ang unos na dadating. Napagod na, sumuko na. Kaya mahirap man ay ayoko ng patagalin ang pagdurusa nating dalawa. Tama ka may mas mahalagang priority ang dapat ko pang gawin, yun ay mahalin ko ang sarili ko kesa ibang tao. Mukhang iyon ang nakalimutan kong gawin. Ikalawa, Para san pa ang manatili ako kung di mo nakikita ang sarili mo na ako ang gusto mong makasama mo habang buhay. Para san ang purpose ng relasyon na ito diba. Pasensya na ayaw ko na umiyak, masaktan at umasa. Di na para ipilit natin ito at patagalin pa ang pagdurusa nating dalawa. Lulunukin ko na lang at aalis ako kesa makita kita na di na masaya at malungkot na kasama ako. 

-nagmamahal,

DRA

Send me the best BW Tampal!

* indicates required