Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Minsan kailangan mong kumawala
Sa prosesong walang kasiguruhan
Sa taong walang kapasiyahan
While you are busy reading this article, try mo rin makinig sa episode namin:
Sa sitwasyong walang patutunguhan.
….
Ang mabuhay ay sadyang mahirap
Minsan madilim at matarik
Minsan naman payapa at maliwanag
Depende kung paano mo haharapin.
May mga tao kang madadaanan
Iba-ibang personalidad
Iba-ibang pag-uugali
Papakisamahan, ngunit dapat munang kilalanin.
May mga tao na handa kang mahalin
Anuman ang ‘yong ugali
Panlabas, panloob, maganda man o pangit
Handang tiisin, kayang tanggapin.
May mga tao ding dumaraan upang tingnan ka
Tinitingnan ang bawat mong galaw
Binabantayan bawat kamalian
Upang sa huli ikaw ay husgahan.
May mga taong magaling magsalita
Akala mo minamahal ka
Maraming sinasambit, matatamis na wika
Sa huli, iiwanan ka din pala, pipili ng iba.
Salamat dahil may mga taong totoo
Handang makinig sa sakit ng loob mo
Sila yung mga taong nakakakilala sayo
Nang higit pa sa sarili mo.
Salamat dahil may Diyos na nakakakilala sayo
Kilala ang buo mong pagkatao
Na sa iyong pagkalugmok
Laging handang sumaklolo.
….
Sa pagharap mo sa mundo
Ito sana ang tandaan mo
Hindi lahat maiintindihan ang kwento mo
Hindi lahat makikinig sayo.
Piliin mo lang ay yung totoo
Yung subok na ang pagsasama niyo
Upang sa huli ay di ka manlumo
Hindi ka madedehado.
Higit sa lahat kailangan mong sumangga
Sa Panginoon mong Tagapagligtas
Na magtuturo sayo ng daang nararapat
Patungo sa taong karapat-dapat.
